Esperanto-junularo festis novjaron en Germanio

Pli ol 250 personoj partoprenis la 2-an Junularan E-Semajnon, kiu okazis en brandeburga urbeto Burg. Plej multaj partoprenantoj estis el Germanio, Ukrainio, Rusio, Francio, Pollando, Nederlando kaj Britio. Estis ankaŭ gastoj el ekster Eŭropo: el Suda Koreio, Brazilo, Israelo kaj Japanio. En programo troviĝis interalie kursoj, seminarioj, diskutoj, prelegoj, kaj ankaŭ ekskursoj, ludoj kaj koncertoj.

Pli pri tiu evento eblas legi en artikolo de Manuela Ronco el Italio. Kaj jam hodiaŭ ni invitas al la tria eldono de tiu renkontiĝo – post unu jaro en Pollando.