Pli ol 200 gejunuloj el tuta Eŭropo festis novjaron en Zakopane dum la aranĝo organizita de Pola kaj Germana Esperanto-Junularoj kaj klubo Varsvia Vento. Ene de tiu semajno okazis pluraj koncertoj, teatraĵoj kaj ekskursoj, sed ankaŭ diskutoj, prelegoj kaj debatoj.
La unua JES okazis inter la 26-a de decembro 2009 kaj 3-a de januaro 2010. Ĝi estas kuniĝo de du antaŭaj novjaraj junularaj esperanto-aranĝoj – la Ago-Semajno (AS) de Pola E-Junularo kaj la Internacia Seminario (IS) de Germana E-Junularo, kiuj okazadis aparte ĝis la jaro 2008.
Pli detale pri la evento legu en artikolo pri la 1-a Junulara E-Semajno.
Printu, sendu, publikigu:
Etikedoj en Esperanto
Fromaĝo, pano, kolbasetoj aŭ robo aĉeteblis en varsoviaj vendejoj anstataŭ kutimaj ser, chleb, parówki aŭ sukienka. Kelkaj klientoj miris pri novaj etikedoj, dum aliaj tuj rekonis, ke temas pri la internacia lingvo kreita de Ludoviko Zamenhof. Nomoj de produktoj ŝanĝiĝis de polaj al esperantaj okaze de lia 150-a naskiĝdatreveno.
Apud domo, kie loĝis Zamenhof oni kantis por li Cent jarojn kaj poeto Wojciech Stamm deklamis pomaĵon en Esperanto. La eventon organizis Historia Muzeo de Polaj Judoj, kuratorino Natalia Romik kaj Pola Esperanto-Junularo.
En nia paĝaro haveblas fotogalerio de la evento: Esperanto en vendejoj.
Ni rekomendas aliajn raportojn pri ĉi tiu temo:
Printu, sendu, publikigu:
en vendejo - w sklepie
Kelktaga ŝanĝo de produkto-nomoj al esperantaj en kelkaj vendejoj proksime de Zamenhofa strato en Varsovio. Gruszki, marchewka, kapusta kiszona, spodnie kaj sukienka – ŝanĝiĝos al piro, karoto, acida brasiko, pantalono kaj robo. Nomoj de produktoj plenumos funkciojn konkretajn, sed samtepe abstraktajn. La spektantoj estos hazardaj klientoj, partoprenantoj de ĉiu-taga realeco. Kaj ĉio ĉi okaze de la 150-a naskiĝdatreveno de Ludoviko Zamenhof.
La agadon akompanos spektaklo en esperanto la 15-an de decembro je la 14-a horo en ĉirkaŭaĵo de domo de Zamenhof. La eventon organizas Historia Muzeo de Polaj Judoj, kuratorino Natalia Romik kaj Pola Esperanto-Junularo.
Printu, sendu, publikigu:
Emblemo de JES
Proksimiĝas la Junulara E-Semajno (JES) – novjara aranĝo organizata de Pola kaj Germana Esperanto-Junularoj kaj Varsovia Vento. La 1-a renkontiĝo el la serio okazos inter la 26-a de decembro 2009 kaj la 3-a de januaro 2010 en Zakopane, Pollando. Aliĝis jam pli ol 200 homoj el 25 landoj. Temo de ĉi-jara JES estas „Prezentu vin - ekkonu nin. Proksimeco de la eŭropaj kulturoj”.
Honoran patronecon de la renkontiĝo akceptis Profesoro Władysław Bartoszewski, Ministro pri la Internacia Dialogo en Kancelario de la Pola Ĉefministro, S-ro Michael H. Gerdts, Ambasadoro de Germanio en Pollando, S-ro Janusz Majcher, la urbestro de Zakopane kaj S-ro Steffen Mues, la urbestro de Siegen (ĝemelurbo Zakopane).
JES estas kuniĝo de du antaŭaj novjaraj junularaj esperanto-aranĝoj – la Ago-Semajno (AS) de Pola E-Junularo kaj la Internacia Seminario (IS) de Germana E-Junularo, kiuj okazadis aparte ĝis la jaro 2008. Junulara E-Semajno okazados ĉiujare dum unu semajno en alia loko de Meza Eŭropo.
Pliajn informojn serĉu ĉe la oficiala paĝaro de JES.
Printu, sendu, publikigu:
En la pola lingvoversio de nia paĝaro aperis nova parto: pri Esperanto, kie eblas trovi multajn informojn pri la lingvo.
Tiu, kiuj por la unua fojo renkontiĝas kun Esperanto povas ekscii pri kio temas, konatiĝi kun lingvobazo kaj plej oftaj demandoj. Tiuj partoj estis preparitaj surbaze de broŝuro “Malkovru Esperanton - fascina lingvo”, kiun plene eblas trovi en la paĝo por legi. Por spekti estas filmoj el serio “Esperanto estas…”, kaj en la paĝo por aŭskulti eblas trovi informojn pri radio en Esperanto. Fine ne povis manki informoj bezonataj por lerni Esperanton.
Samtempe kun paĝoj pri Esperanto, en la Esperantlingva versio de la retejo estis malfermita paĝo pri la pola lingvo.
Do ni invitas vin legi novajn partojn de la paĝaro!
Printu, sendu, publikigu:
Grafitio Esperante
Esperantaj grafitio-ŝablonoj kaj bildaj Esperanto-vortaretoj estis kreitaj dum laborrenkontoj okazintaj kadre de la 13-a Scienca Festivalo en Varsovio. Krome partoprenantoj povis ekscii pri historio de Esperanto kaj lude ekkoni funkciadon de la lingvo. Dum kelkaj tagoj laborrenkontojn partoprenis klasoj el bazlernejoj kaj gimnazio, kaj familioj kun infanoj. Pli junaj grupoj kreis mem desegnitajn vortaretojn polajn-Esperantajn. Pli aĝaj preparis grafitio-ŝablonojn prezentantajn ideojn de Esperanto. La verkoj estis publikigitaj en urba ekspozicio ĉe Zamenhof-strato.
La laborrenkontojn organizis Historia Muzeo de Polaj Judoj kunlabore kun Pola Esperanto-Junularo. Gvidis ilin Zofia Mioduszewska kaj Zofia Wóycicka de HMdPJ, Łukasz Żebrowski kaj Irmina Szustak de PEJ, kaj artistoj Katarzyna Stanny, Marcin Urbanek kaj Łukasz Mieszkowski.
Vidu fotogalerion de la laborrenkontojgrafitio esperante.
Legu ankaŭ raporton en Libera Folio.
Printu, sendu, publikigu:
Arkones
Pola Esperanto-Junularo invitas ĉiujn partopreni en la ARtaj KONfrontoj en ESperanto kaj en PEJ-kunveno okazonta dum ĝi.
Dum la aranĝo prelegos pluraj famaj Esperantistoj. Posttagmeze kaj vespere oni povos ĝui riĉan artan programon, kies kadre prezentighos interalie Martin Wiese (Svedio), Inicialoj DC (Francio), Georgo Handzlik, Jarlo Martel-Monto, Zuzanna Kornicka, Zbigniew Kornicki kaj Teatra Esperanto-Studio “Improvizo” (Ukrainio). Krome eblos ekzameniĝi pri Esperanto laŭ la Eŭropa Referenckarto (necesas tuj aliĝi). Paralele al la ĉefa programo okazos kunsido de TEJO-estraro. Tial oni povos surloke renkonti ĉiujn estraranojn de Tutmonda Esperantista Junulara Organizo kaj la volontulon laborantan en la Centra Oficejo.
Arkones estas sendependa kultura kaj arta Esperantista aranĝo okazanta ĉiam komence de aŭtuno en Poznano. Ĝi estas certe unika kaj unu el la plej grandskalaj manifestacioj de Esperanto-kulturo.
La aranĝo okazos inter la 18-a kaj 20-a de septembro 2009. Kunveno de Pola Esperanto-Junularo okazos sabate je la 10-a horo. Membroj de PEJ partoprenas en Arkones senpage!
Pliajn informojn serĉu ĉe la paĝaro arkones.org aŭ tuj aliĝu.
Printu, sendu, publikigu:
Hieraŭ ni sukcesis publikigi novan paĝaron, nun eble ni prezentu kion eblas trovi en ĝi.
Certe la plej grava parto de la paĝaro estas aktualaĵoj. Eblas ilin vidi en la ĉefpaĝo (ankaŭ en la pola). Krome eblas ilin trarigardi laŭ:
- kategorioj: Ĉiuj, Eventoj, Interreto, Kulturo, Lokaj informoj, PEJ
- etikedoj - ekzemple: TEJO aŭ Varsovio
- arkivo - ekzemple: Septembro 2009.
Kategorioj, etikedoj kaj arkivo troviĝas en dekstra parto de la paĝaro. Krome aktaualaĵojn eblas aboni en la standardoj:
- RSS 2.0 en esperanto kaj pola
- Atom 0.3 en esperanto kaj pola.
Alia grava parto de la retejo estas paĝoj. De ili oni povas ekscii pli multe pri nia organizo. Troviĝas tie interalie informoj pri nia agado, Estraro kaj partneroj. Estone aperos tie ankaŭ pluraj informoj pri historio de PEJ. Apartan atenton meritas dokumentoj. En tiu paĝo troveblas pluraj informoj pri agado de nia organizo ekde 2004-a jaro. Inter ili ankaŭ raportoj de PEJ-kunvenoj kaj aliaj renkontĝoj.
Ne funkcias ankoraŭ aliĝilo al la organizo, tamen laboroj pri ĝi jam daŭras kaj donas esperon al baldaŭa aperigo. Iom pli poste ni planas plenigi partojn pri Esperanto (en la pola lingvoversio) kaj pri la pola (en esperanta versio.
Multajn informojn eblas trovi en parto kontakto, ĉar krom la bazaj aferoj troveblas tie ankaŭ detaloj pri Esperanto-agado en diversaj urboj (nun: Varsovio, Poznano, Bjalistoko, Vroclavo).
Printu, sendu, publikigu:
Projekto de PEJ-paĝaro prezentita dum kunveno en Vroclavo
Finfine, post longdaŭraj laboroj la 1-an de septembro 2009 en la reto aperis tute nova paĝaro de Pola Esperanto-Junularo. Projektado en sistemo WordPress komenciĝis jam aprile, tamen pro organizado de Internacia Junulara Kongreso en Liberec’, ni ne povis dediĉi al ĝi tiom multe da tempo, kiel ni volus. Nun, kiam ni ĉiuj jam revenis de someraj vojaĝoj eblis pluevoluigi la projekton ĝis stato montrebla al la ekstera publiko. Kompreneble tiu ĉi paĝaro ankoraŭ ne estas fine preta kaj foje mankas iuj aferoj, sed ni klopodos kompletigi ilin dum venonta tempo. Krome, kiel ĉiu nova projekto, ĝi certe ne povas esti senerara, do ni petas informi nin pri rimarkitaj eraroj (eĉ se temas pri iu literumaĵo). La kontaktadreso por sendi erarojn, sed ankaŭ liberajn komentojn kaj pripensoj pri la nova paĝaro estas reto ĈE pej.pl. Ni deziras al vi agrablan restadon en nia modesta retejo kaj antaŭdankas pri helpo en ĝia plibonigado.
Printu, sendu, publikigu:
Bonege organizita Kultur-lingva festivalo, debuto de la rokgrupo Supernova, Kim ludanta akordionon sur tegmento de kongresejo, JoMo koncertanta en la urba ĉefplaco, lanĉo de nova Pasporta Servo, nokta vivo ĝis mateno kaj neforgesebla etoso - tiel 343 homoj el 41 landoj memoros la 65-an Internacian Junularan Kongreson. Krome en la aranĝo tre abundis taga programo, okazis interesaj ekskursoj, estis elektita nova estraro de TEJO kaj estis proklamita kongresa rezolucio. IJK-n okazintan en Liberec’, urbo situita apud Ĉeĥa-Germana-Pola trilandlimo organizis Esperanto-Junularoj de ĝuste ĉi tiuj tri landoj.
Por ekscii pli multe legu la Raporton de la 65-a Internacia Junulara Kongreso.
Printu, sendu, publikigu:
