Pola Esperanto-Junularo – Polska Młodzież Esperancka

En la pola lingvoversio de nia paĝaro aperis nova parto: pri Esperanto, kie eblas trovi multajn informojn pri la lingvo.

Tiu, kiuj por la unua fojo renkontiĝas kun Esperanto povas ekscii pri kio temas, konatiĝi kun lingvobazo kaj plej oftaj demandoj. Tiuj partoj estis preparitaj surbaze de broŝuro “Malkovru Esperanton - fascina lingvo”, kiun plene eblas trovi en la paĝo por legi. Por spekti estas filmoj el serio “Esperanto estas…”, kaj en la paĝo por aŭskulti eblas trovi informojn pri radio en Esperanto. Fine ne povis manki informoj bezonataj por lerni Esperanton.

Samtempe kun paĝoj pri Esperanto, en la Esperantlingva versio de la retejo estis malfermita paĝo pri la pola lingvo.

Do ni invitas vin legi novajn partojn de la paĝaro!

Hieraŭ ni sukcesis publikigi novan paĝaron, nun eble ni prezentu kion eblas trovi en ĝi.

Certe la plej grava parto de la paĝaro estas aktualaĵoj. Eblas ilin vidi en la ĉefpaĝo (ankaŭ en la pola). Krome eblas ilin trarigardi laŭ:

- kategorioj: Ĉiuj, Eventoj, Interreto, Kulturo, Lokaj informoj, PEJ
- etikedoj - ekzemple: TEJO aŭ Varsovio
- arkivo - ekzemple: Septembro 2009.

Kategorioj, etikedoj kaj arkivo troviĝas en dekstra parto de la paĝaro. Krome aktaualaĵojn eblas aboni en la standardoj:

- RSS 2.0 en esperanto kaj pola
- Atom 0.3 en esperanto kaj pola.

Alia grava parto de la retejo estas paĝoj. De ili oni povas ekscii pli multe pri nia organizo. Troviĝas tie interalie informoj pri nia agado, Estraro kaj partneroj. Estone aperos tie ankaŭ pluraj informoj pri historio de PEJ. Apartan atenton meritas dokumentoj. En tiu paĝo troveblas pluraj informoj pri agado de nia organizo ekde 2004-a jaro. Inter ili ankaŭ raportoj de PEJ-kunvenoj kaj aliaj renkontĝoj.
Ne funkcias ankoraŭ aliĝilo al la organizo, tamen laboroj pri ĝi jam daŭras kaj donas esperon al baldaŭa aperigo. Iom pli poste ni planas plenigi partojn pri Esperanto (en la pola lingvoversio) kaj pri la pola (en esperanta versio.
Multajn informojn eblas trovi en parto kontakto, ĉar krom la bazaj aferoj troveblas tie ankaŭ detaloj pri Esperanto-agado en diversaj urboj (nun: Varsovio, Poznano, Bjalistoko, Vroclavo).

Projekto de PEJ-paĝaro prezentita dum kunveno en Vroclavo

Finfine, post longdaŭraj laboroj la 1-an de septembro 2009 en la reto aperis tute nova paĝaro de Pola Esperanto-Junularo. Projektado en sistemo WordPress komenciĝis jam aprile, tamen pro organizado de Internacia Junulara Kongreso en Liberec’, ni ne povis dediĉi al ĝi tiom multe da tempo, kiel ni volus. Nun, kiam ni ĉiuj jam revenis de someraj vojaĝoj eblis pluevoluigi la projekton ĝis stato montrebla al la ekstera publiko. Kompreneble tiu ĉi paĝaro ankoraŭ ne estas fine preta kaj foje mankas iuj aferoj, sed ni klopodos kompletigi ilin dum venonta tempo. Krome, kiel ĉiu nova projekto, ĝi certe ne povas esti senerara, do ni petas informi nin pri rimarkitaj eraroj (eĉ se temas pri iu literumaĵo). La kontaktadreso por sendi erarojn, sed ankaŭ liberajn komentojn kaj pripensoj pri la nova paĝaro estas reto ĈE pej.pl. Ni deziras al vi agrablan restadon en nia modesta retejo kaj antaŭdankas pri helpo en ĝia plibonigado.

Esperantista muzikeldonejo Vinilkosmo kreis novan paĝaron por aĉeti muzikon en MP3-dosieroj. En la paĝaro www.vinilkosmo-mp3.com eblas aŭskulti muzikframentojn kaj aĉeti unuopajn MP3-dosierojn aŭ tutajn albumojn. Muzikon en tradicia, diska formo eblas aĉeti ĉe la paĝaro de la eldonejo: www.vinilkosmo.com.

Varsovia Vento Elsendoj

Reta radio de la Eperanto-klubo Varsovia Vento havas novan paĝaron. Funkcianta de la 2006-a jaro, la radio translokiĝis al adreso podkasto.net. En la paĝaro bazigita sur sistemo WordPress troviĝas kompreneble la plej aktualaj elsendoj sed ankaŭ interalie arkivejo kun plej interesaj pecoj de malnovaj elsendoj, anoncejo kaj informoj pri la redakcio.

PS 2.0

Pasporta Servo, unu el la plej furoraj servoj de TEJO estas nuntempe modernigata. Kiel la plej garava elemento de Pasporta Servo 2.0 rolos nova paĝaro: www.pasportaservo.org. Jam ekde marto eblas aliĝi. Oficial malfermo estas planata por la 7-a de majo. Pliaj informoj troveblas en la intervjuo publikigita en paĝaro de TEJO.

Pasporta Servo estas socia servo grupiĝanta homojn, kiu povas senpage akcepti gastojn en siaj hejmoj, aŭ tiujn, kiuj deziras uzi la eblecon. Tamen por uzi la servon necesas paroli Esperante.

Jen komenciĝis projekta fazo de la nova paĝaro de Pola Esperanto-Junularo bazigita sur sistemo WordPress.

Verŝajne jam dum la venonta PEJ-kunveno en Vroclavo videblos la unuaj efikoj.