Pola Esperanto-Junularo – Polska Młodzież Esperancka


Nova estraro kaj novaj planoj post la kunveno de Pola Espranto-Junlaro

Tags: , – LukiZ 10:17, 2016-5-28

Kunveno de PEJ (2016)

En Varsovio ĵus finiĝis la kunveno de Pola Esperanto-Junularo. Dum tiuj du tagoj (26-a kaj 27-a de majo 2016) ne povis manki temo de Internacia Junulara Kongreso (IJK), kiu okazos julie en Vroclavo, kaj ankaŭ temoj de aliaj eventoj kunorganizataj de ni, do Junulara E-Semajno kaj ĈAR. Ni interparolis pri tio kiel varbi komencantojn al la organizo, pri nia partorpeno en diversaj eventoj kiel Ekonomia Forumo en Krynica kaj festivaloj SLOT kaj Woodstock. Ne mankis temoj ligitaj kun projektoj – nune daŭranta programo Erasmus+, komenciĝanta kunlaboro ku afrikaj organizoj kaj pri eventualaj ontaj projektoj. Se temas pri enorganizaj aferoj ni tuŝis temojn ligitajn kun sekva kunveno en Arkones, aktualigo de la regularo kaj ekhavo de jura personeco.

Fine ni elektis novan 7-kapan estraron de la organizo. Elektiĝis al ĝi du novaj membroj Tobiasz Kubisiowski (sekretario) kaj Adrian Wasilewski (estrarano). El la antaŭa estraro reelektiĝis Piota Hołda, kiu nun iĝis prezidanto, Romualda Jeziorowska (vicprezidanto), Mariusz Hebdzyński (kasisto), Anna Maria Koniecpolska-Lachowska kaj Tomasza Szymula (estraranoj). La sola membro de la antaŭa estraro, kiu ne rekandidatiĝis estas Łukasz Żebrowski, kiu laboris en estraroj de Pola Esperanto-Junularo senpaŭze dum lastaj 10 jaroj.

Kunveno de Pola Esperanto-Junularo

LukiZ 15:23, 2016-5-8

Kunveno de PEJ

La ĉiujara kunveno de Pola Esperanto-Junularo okazos ekde la 26-a ĝis la 29-a de majo en Varsovio. Dum la kunveno ni okupiĝos pri organizaĵaj aferoj, ĉefe pri tio kion faru PEJ post la IJK - Internacia Junulara Kongreso de TEJO en Vroclavo. Okazos elekto de nova estraro. Certe ankaŭ estos tempo por pasigi semajnfinon en bona etoso. Ni bonvenigas ne nur membrojn de PEJ, sed ĉiujn junulojn kiuj lernas esperanton.

Detala plano de la kunveno ankoraŭ ne pretas, sed ni antaŭvidas ke ni havos organizan programon ĉiutage inter la 10-a kaj 18-a. Depende de nombro de homoj ni kunsidos aŭ ĉe ĝardana dometo de Varsovia Vento (plej proksima bushaltejo: Bródno-Podgrodzie) aŭ en sidejo de Pola Esperanto-Asocio ĉe strato Andersa. Tranokto eblos senpage ĉe la ĝardana dometo de Varsovia Vento, tamen necesas havi propran dormsakon. Ni instigas veni jam merkrede (la 25-an de majo) vespere. Sabate en Lodzo okazos membrokunveno de la Pola Esperanto-Asocio, do ni aranĝos nian programon tiel, ke interesiĝantoj povu partopreni ĝin. Kaze de iuj demandoj pri la kunveno bonvolu mesaĝi al Łukasz: lukasz.zebrowski@pej.pl. Programon de la kunveno preparas Tomasz: tomasz.szymula@pej.pl.

Bonvolu aliĝi ĉe bit.ly/kunveno2016.

Informoj troveblas ankaŭ ĉe evento en facebook.

Esperanto dum Slot en 2016

piotr.holda 21:33, 2016-4-6

Feliĉa


Esperanto aperis dum SLOT jam trifoje en lasta jaro: dum festivalo en Lubiąż, en Gdynia kaj en Vroclavo.
Nun ni volas daŭrigi tiun fruktodonan kunlaboron kaj ni serĉas kunlaborantojn - eble vin?

Tiu ĉi jare ni planas pluaktiviĝi en strefo de NGO. Ĉe bildo videblas nian lastjaran standon - nun ni planas havi pli: pli da homoj, pli bildojn, pli diversajn aktivadojn. Se vi jam esperantiĝis, eble vi volus kunkrei esperantan etoson dum Slot Art Festivalo?

Kion ni proponas?
- senpagan ĉeeston dum SLOT (5-9.07 aŭ parto de tiu tempo)
- bonan etoson dum festivalo,
- eblecon kunkrei ion gravan kaj mojosan.

Kion ni bezonas?
- esperantiston, kiu almenaŭ baze parolas esperante,
- homon kreivan kun emo paroli kun nekonatuloj.

Se vi interesiĝas pri tio, kontrolu: /slot.art.pl/ aŭ rekte demandu pri detaloj anna.maria.koniecpolska@pej.pl
Se vi ankoraŭ ne pretas esperantigi la mondon - tamen venu kaj trovu nin en Lubiąż!

En Eger okazis la 7-a Junulara E-Semajno

Tags: , , – Tobiaszeto 18:18, 2016-1-14

La 7-a JES en Eger, Hungario.

fotis Tomasz Szymula

De la 27-a de decembro 2015 ĝis la 3-a de januaro 2016 en la hungara urbo Eger okazis la 7-a Junulara E-Semajno, organizata de Pola kaj Hungara Esperanto-Junularoj. La programon de la evento dumtage konsistigis: prelegoj, diskutrondoj, ekskursoj kaj AMO-seminario “Junigi la komunumon”; vespere: koncertoj aŭ KLF kaj nokte: gufujo kaj diskejo aŭ karaokeo. Kompreneble, la kulmina punkto de la evento estis la novjara balo, en la jarŝanĝa nokto.

La eventon partoprenis 129 personoj el 23 landoj. Plej multaj partoprenantoj venis el Germanio (28), sekvis la du “organizaj” landoj: Hungario (24) kaj Pollando (12), kaj poste Francio (10), Nederlando kaj Slovakio (po 7), Britio (5), Italio kaj Rusio (po 4). Po 3 personoj estis el Brazilo, Hispanio, Kroatio kaj Ukrainio, po 2 personoj venis el Belgio, Svislando, Ĉeĥio, Danio, Serbio kaj Svedio. Unuope venis partoprenantoj el Aŭstrio, Kanado, Japanio kaj Norvegio. 61% de la partoprenantoj estis TEJO-aĝaj kaj duono havis malpli ol 27 jarojn. La averaĝa aĝo estis 30,7 jaroj kaj la plej juna partoprenanto havis 14 jarojn.
La sekva JES okazos ĉirkaŭ la jarŝanĝo 2016/17 en norda Germanio kaj ĉeforganizas ĝin Germana Esperanto-Junularo. Pliaj informoj aperos en la Facebook-paĝo de la evento.

Esperanto dum SLOT jam trian fojon ĉi-jare

piotr.holda 11:00, 2015-10-7

Leciono de esperanto dum SLOT


Lernado kunigita al bona festo je unika “SLOTa” stilo en Lubiąż, poste en Gdynia (dum SLOT-Pomorze) kuraĝigis nin aldoni esperantan kurseton ankaŭ al SLOTafter en Vroclavo. Estu kun ni 10an de Oktobro! klubo Firlej, Grabiszyńska strato.

SLOT Art Festival en Lubiąż estas festivalo de ĉiuj artoj: jen muziko, teatro, fajrospektakloj, dancado… ne devintus manki Esperanto! PEJanojn oni povis trovi en koridoro de socjalaj inicjativoj kaj dum lerno-sesioj. Kurta kurso de internacia lingvo ĉiutage kolektis de 25 ĝis 35 partoprenantoj. Romualda kun Zdzisław kuraĝe montris malkomplikan bildon de nia lingvo kaj Piotr kaj Anna Maria montris, kion oni povas fari kun Esperanto poste.

La 22-an de aŭgusto okazis la festivalo SLOT Pomerio en Gdynia. Dum ĝi partoprenantoj povis ĉeesti diversajn atrakciojn: koncertojn, ekspoziciojn, kinejon kaj kursojn. Nia esperanta stando, farita de Alicja kaj Karolina de Sxĉecin, troviĝis en parko kaj trakuris en amika atmosfero. Ni ekzercis elementajn frazojn, kantis kaj bonege ludis je kalemburoj. Ni ĝojas ke Esperanto kaptis atenton de multaj partoprenantoj de la festivalo kaj ili volonte partoprenis en nia kurso.